Albaniyada yeni hökumət formalaşıb

Albaniyanın Baş naziri Edi Rama yeni hökumətin tərkibini açıqlayıb.

Trend-in məlumatına görə, yeni formalaşan hökumətdə 16 nazirdən 12-i qadındır.

Bildirilir ki, Arben Akhmetai, Baş nazirin müavini olacaq.

Avropa və xarici işlər naziri Olta Djaçka, səhiyyə və sosial müdafiə naziri Ogerta Manastırlu, infrastruktur naziri Belinda Baluku, DİN rəhbəri Blendi Çuçi, mədəniyyət naziri Elva Marqariti və təhsil naziri Evis Kuşi Ramanın Kabinetində xidmətlərini davam etdirəcəklər.

Ədliyyə Nazirliyinə rəhbər Ulsi Manya, Maliyyə Nazirliyinə – Melinda İbraihimi, Kənd Təsərrüfatı Nazirliyinə – Frida Krifts, Turizm Nazirliyinə isə – Mirela Kumbaro rəhbərlik edəcəklər

Xatırladaq ki, Ramanın rəhbərlik etdiyi Albaniya Sosialist Partiyası aprelin 25-də keçirilən parlament seçkilərində qalib gəlib.