Abşeronda əks yolda hərəkət edən avtomobil piyadanı vuraraq xəsarət yetirdi

Abşeron rayonunda xəsarətlə nəticələnən yol-nəqliyyat hadisəsi baş verib.

“Report”un məlumatına görə, hadisə Xırdalan şəhərində qeydə alınıb.

Hadisə şahidlərinin dediyinə görə, əks yolda hərəkət edən avtomobil yolu keçən 1986-cı il təvəllüdlü Əhmədov Ramil Mail oğlunu vurub. Yaralı təcili yardımın köməkliyi ilə 3 saylı şəhər Klinik Xəstəxanasına çatdırılıb. Müayinə zamanı ona sol bazu sümüyünün yerdəyişən sınığı diaqnozu qoyulub.

Faktla bağlı araşdırma aparılır.